Likas sa akin ang pagiging mapagtiwala. I always believe in the goodness of everyone, ang lahat ay may kabutihang itinatago, yan ang lagi kong pinapaniwalaan. But there are instances na hindi ito totoo pala. Hindi totoong lahat ng tao ay may mabuting kalooban, merong iba na sadyang mapanlinlang at kaligayahan ang makalamang sa kapwa.
Sa mundo ng trabaho ko, hindi uso ang maging mabait daw. Sa mundong, dinodomina ng mga kalalakihan, kailangan mong maging matapang at huwag maging sensitibo.
Sa workplace, kailangan mong makisalamuha sa libong ibat ibang uri ng tao. Iba ibang pag-uugali at kinagisnang asal at kultura. Ang hirap tantyahin kung paano mo pakitunguhan ang bawat isa, pero gaya ng sabi ko, naniniwala ako na ang bawat isa ay may kabutihan sa kanilang puso. Kaya iyon ang aking pundasyon. Pero hindi pala pwede ang ganun. Hindi lahat ay kayang ibalik ang iyong kabutihan. Nakakalungkot na ang iba ay kayang suklian ng hindi maganda ang tiwala at pagmamahal na binibigay sa kanila.
Sa maraming beses na ako ay nadisappoint, nasaktan dahil hindi naging sapat ang maayos na pakisama para makuha ang mga inaasahan nating resulta, natutunan kong may disadvantages din pala ang pagiging mabait. Kadalasan ang ending ay umaabuso ang ilan, hindi na nila ginagawa ang tama sa kadahilanang wala namang magagalit sa kanila. Maling kaisipan, subalit talamak yan sa lipunan.
Sa kaibuturan ng aking puso, umaasa parin ako na sana magkaroon ako ng sapat ng lakas at pamamaraan para sana mabago ang ganitong kalakaran. In my heart, I will remain to be kind to everyone, not for anything else, but because that is who I am. My leadership will not be defined by how my team performed, but how I changed my people. Gusto kong gawin nila ang isang bagay dahil sa gusto nilang gawin at nakikita nila ito bilang paraan to better themselves. Gusto ko na mabigyan sila ng tamang rason to perform well.
Hindi maganda ang workplace na puno ng galit at kalituhan. Hindi tama ang araw araw na nagbibigay ng salita sa mga tao dahil sa hindi nila ginawa ng tama ang mga bagay bagay. Ang hirap gumising sa umaga na ang nilolook forward ay stress at pressure. I already have enough grey hairs para dagdagan ko pa. Dalangin ko na lang na sana, kaya pang mabago ang lahat.
No comments:
Post a Comment